مورو ۾ مفت طبي ڪيمپ ۾ 2 هزار مريضن جي چڪاس

مورو(مورائي اياز سولنگي)علمدار اسڪائوٽ مورو پاران مفت طبي ڪئمپ لڳائي ٻه هزار کان مٿي مريضن جو چيڪ اپ ڪري انهن کي دوائون ڏنيون ويون. مرڪزي امام بارگاھ ۾ لڳل ڪئمپ ۾ مختلف بيمارين جي ڊاڪٽرن جيڪي ڪراچي، حيدرآباد، نوابشاھ کان ڪئمپ ۾ پهتا جن ۾ ڊاڪٽر محمد علي سهيل، ڊاڪٽر ممتاز چانڊيو، ڊاڪٽر عظيم، ڊاڪٽر عنايت زرداري، ڊاڪٽر اويس بشير، ڊاڪٽر روزينه نيات، ڊاڪٽر نور نبي سيال، ڊاڪٽر رياض کوکر ۽ ٻين ٻه هزار کان وڌيڪ مختلف بيمارين ۾ ورتل مريضن جي چڪاس ڪري ٽيسٽون ورتيون ۽ مفت دوائون ڏنيون ان موقعي تي علمدار اسڪائوٽ جي اڳواڻ رياض سرهيو، بشير احمد سرهيو، مظفر گلاباڻي ۽ ٻين چيو آهي ته هي هڪ انسانيت جي ڀلائي جو ڪم آهي جنهن ۾ ڪيترائي انسان مختلف بيمارين ۾ ورتل آهن ۽ غربت سبب علاج ۽ ٽيسٽون وغيره نه ٿا ڪرائي سگهن انهي مهنگائي جي وقت ۾ اسان محسوس ڪيو غريب ۽ بي پهچ مريضن جي ڀلائي لاءِ هڪ ڏينهن جي لاءِ مفت ڪئمپ لڳائي وڃي انهي سلسلي جي هتان جي ڪيترن ئي سرندي وارن ماڻهن دوائن ڏيڻ ۾ اسان جي مدد ڪئي آهي اسان جي ڪوشش هوندي ته هر سال اهڙيون ڪئمپون لڳائي غريب مسڪين مريضن جو مفت علاج ڪرائي سگهون۔

کیٹاگری میں : سنڌ

پهنجو تبصرو موڪليو