معزز جج جي زال کان سوال ٿي سگهي ٿو ته مشيرکان ڇو نه ؟بلاول

ڪراچي (اسٽاف رپورٽر)پاڪستان پيپلز پارٽي جي چيئرمين بلاول ڀٽو زردراي چيو آهي ته جڏهن سپريم ڪورٽ جي معزز جج جي زال کان سول ٿي سگهن ٿا ته پوءِ وزيراعظم جي مشير کي به ان معيار تي پورو لهڻ گهرجي. جڏهن اسنجي خلاف هڪ خبر تي ڪاروائي ٿيندي ته ٻين جي گرفتاري جو به سوال ٿيندو. اهڙو اظهار ڪراچي ۾ پريس اڪنفرنس دوران پڇيل سوال جي جواب ۾ ڪيو. هڪ ٻئي سوال تي هن چيو ته عمران خان پاڻ چوندو هو ته جنهن تي الزام لڳي اهو مستعفي ٿي پوءِ وضاحت ڪري. اي پي سي بابت سوال تي هن چيو ته ان ۾ هڪ نئين ميثاق جمهوريت تي ڳالهايو ويندو، رهبر ڪميٽي فيصلو ڪيو آهي ته اي پي سي جي ميزباني پيپلز پارٽي ڪري، پ پ چيئرمين بلاول ڀٽو ڪي اليڪٽرڪ جي بجلي مهانگي ڪرڻ واري وفاقي حڪومت جي فيصلي کي رد ڪندي چيو آهي ته شهباز شريف سان سٺي ماحول ۾ ڳالهيون ٿيون، اُميد آهي ته نواز شريف صحتياب ٿيندي ئي ڏيهه واپس اچي ويندو، عمران خان اقتدار ۾ ايندي ئي پنجاب ۽ ڪي پي ۾ بلدياتي نظام ختم ڪري ڇڏيو، بلوچستان ۾ اهو نظام اڳ ئي غير فعال هو، رڳو سنڌ حڪومت ۾ برداشت هئي جو صوبي جي گادي واري شهر کي اپوزيشن حوالي ڪري ڇڏيو، ڪراچي ۾ ايڊمنسٽريٽر جلد مقرر ٿيندو ۽ وڏي وزير کي هدايت ڪئي آهي ته اهڙو ايڊمنسٽريٽر مقرر ڪري، جيڪو نتيجا ڏئي سگهي ۽ عوام جا مسئلا حل ڪري. سنڌ ۾ برسات فصل، ننڍو ڪاروبار ۽ لکين گهر تباهه ڪري ڇڏيا، اُميد آهي ته وزيراعظم ڪراچي جي دوري دوران سنڌ جي آفت سٽيل ٻين ضلعن لاءِ به رليف پيڪيج جو اعلان ڪندو ۽ فنڊز گڏ ڪندو، پ پ چيئرمين بلاول ڀٽو چيو آهي ته بحريه ٽائون طرفان سُپريم ڪورٽ ۾ جمع ڪرايل پئسن جي معاملي تي جلد فيصلو ٿيڻ جو انتظار آهي، اُنهن پئسن تي سڀ کان پهرين سنڌ ۽ خاص ڪري ملير واسين جو حق آهي، بحريه ۽ ورڪرز ويلفيئر سوڌو ٻين فنڊز جا مامرا عدليه ۾ التوا هيٺ آهي، انتظار آهي ته اُن تي جلد فيصلو ٿئي، ڪراچي، عمرڪوٽ، بدين ۽ ميرپور خاص سوڌو ٻين متاثر علائقن ۾ بحالي توڙي نئين سر تعمير لاءِ وفاقي سرڪار صوبائي حڪومت سان گڏجي ڪم ڪري، رڳو نالن جي صفائي سان ڪجهه نه ٿيندو، اين ڊي ايم اي کي آفت سٽيل علائقن ۾ پنهنجو ڪردار ادا ڪرڻو پوندو، برسات دوران بجلي جو انفرا اسٽڪچر به تباهه ٿي ويو آهي، وفاقي سرڪار ڪي اليڪٽرڪ، حيسڪو ۽ سيپڪو سان گڏجي اُهو مسئلو حل ڪرڻ لاءِ لائحه عمل جوڙي، فصلن کي به نقصان جو ازالو ڪرڻ لاءِ وفاقي حڪومت آبادگارن جي به مدد ڪري.

پهنجو تبصرو موڪليو