شاهزيب جيلاني خلاف عدالت ڪيس خارج ڪري ڇڏيو

ڪراچي (اسٽاف رپورٽر) ڪراچي ڏکڻ جي ڊسٽرڪٽ اينڊ سيشن جج امداد حسين کوسو ناليواري صحافي ۽ دنيا ڪامران خان ڪي ساٿ جي سينئر پروڊيوسر شاهه زيب جيلاني خلاف داخل ڪيس ختم ڪرن جو حڪم ڏنو آهي. سندس خلاف سياسي معاملن م فوج جي مداخلت تي تنقيد ڪرڻ جو الزام هو ۽  ايف آءِ آي مٿس سائبر ڪرائيم جو به ڪيس داخل ڪيو هو. صحافي جي وڪيل سلمان مرزا چيو ته سمورا الزام من گهڙت آهن ۽ ڪيس ۾ دم ناهي. ايف آءِ اي فرمائش تي شڪايتون ڪندڙمولوي اقبال حيدرجي درخواست تي رياستي ادارن خلاف نفرت پکيڙڻ ۽ دهشتگردي جي الزامن سميت مختلف شقن هيٺ ڪيس داخل ڪيو ويو هو. هن چيو ته ايف آءِ اي وارن الزام به واپس ورتا آهن جنهن بعد ڪيس ۾ ڪجهه ناهي رهيو. صحافي جي وڪيل ٻن ٽي وي شوز ۽ ٽويٽ ۾ جيڪو ڪجهه چيو آهي اهو قانون جي ڪنهن به شق جي خلاف ناهي. عدالت ڌرين جا دليل ٻڌڻ بعد ڪيس خارج ڪرڻ جو حڪم ڏنو.

پهنجو تبصرو موڪليو