سمونڊ سائين جو عرس، عقيدت مندن پاران ڀيٽا پيش

ٽنڊو محمد خان )مظفر علي بروهي(سنڌ جي صوفي بزرگ حضرت   شيخ ڀرڪيو آچاري سمونڊ سائين جو ساليانو558 عرس مبارڪ  شيخ ڀرڪيو ۾ ٿي گذريو,عرس جو افتتاح گادي نشين ميان اعجاز علي شيخ سهروردي ۽ ايم پي اي اعجاز شاھ بخاري مزار تي چادر  چاڙهي ڪيو,جڏهن ته سموري سنڌ جي ڪنڊ ڪڙڇ مان عقيدتمندن مريدن ۽ پانڌيئڙن وڏي تعداد ۾ شرڪت ڪئي، جڏهن ته پانڌيئڙن لاء کاڌي پيتي جا اسٽال ۽ مٺائين جا دوڪان پڻ لڳايا ويا، ان موقعي تي درگاھ شيخ ڀرڪيو آچاري ۾ عيد ميلادالنبي ڪانفرنس پڻ ڪوٺائي وئي جنهن ۾ پوري سنڌ مان  علماء اڪرام۽ مشهور نعت خوان شرڪت ڪئي,عالم ضمير حسين شاھ جيلاني,ميان اعجازعلي شيخ سهروردي, منظورحسين مشهوري احمدبلاولي ,پيرعارف علي شاھ ۽ ٻين عالمن  ٻنهي جهانن جي سردار نبي ڪريم صلعم جي سموري زندگي تي روشني وڌي۽ فرمايون ته عالم انسانيت ۾ سندن مثال نٿوملي,پاڻ مسڪينن بي سهارا ۽يتيمن جو ڀرجهلوهوندا هئا,پاڻ دين اسلام جو پوري دنيا ۾ ڦهلا ڪري حق جو پرچم بلند ڪيو, هنن چيو حضرت محمدمصطفي صلعم جي اچڻ کانپوء دنيا ۾ جهالت ختم ٿي, پاڻ سڳورن جي سموري زندگي اسان لاء مشعل راه آهي جنهن تي عمل ڪري ڪامياب زندگي گذاري سگهون ٿا,جڏهن ته تقريب ۾ سجاده نشين ميان اسد شيخ,ميان سجاد شيخ ۽ٻيا شريڪ ٿيا.

پهنجو تبصرو موڪليو