اسلام آباد (بيورو رپورٽ) انساني حقن بابت سينيٽ جي اسٽينڊنگ ڪميٽي نوجوان ليکڪ سارنگ جويو جي گمشدگي واري معاملي تي آءِ جي سنڌ مشتاق مهر ۽ مسنگ پرسن ڪميشن جي چيئرمين رٽائرڊ جسٽس جاويد اقبال کي سومر ڏينهن طلب ڪري ورتو آهي. اسٽينڊنگ ڪميٽي جي اجلاس جي ايجنڊا ۾ سنڌ مان لاپتا ٿيل ماڻهن جو مسئلو به شامل، پ پ چيئرمين بلاول ڀٽو ٽوئيٽر تي بيان جاري ڪندي چيو آهي ته هُن مصطفيٰ نواز کوکر کي هدايت ڪئي آهي ته اسٽينڊنگ ڪميٽي ۾ سارنگ جويو جي گمشدگي وارو مامرو اُٿاري.
