حملن سبب سڄي ملڪ ۾ پوليو مهم اڻ ڄاتل مدي تائين ختم

اسلام آباد( رپورٽ اياز مهر) ملڪ جي مختلف علائقن ۾ پوليو جا ڦڙا پياريندڙ اسٽاف تي حملن بعد پوري ملڪ ۾ اڄ کان پوليو مهم اڻ ڄاتل مدي تائين بند ڪئي وئي آهي. اهڙو اعلان اسلام آباد ۾ نيشنل ايمرجنسي آپريش سينٽر پاران ڪيو ويو آهي. وفاق ۽ چئني صوبائي حڪومتن، ڪشمير ۽ گلگت اختارين کي هدايت ڪئي وئي آهي ته هو فوري طور مهم بند ڪن. بيان ۾ ٻڌايو ويو آهي ته پوليو مهم ۾ حصو وٺندڙ 2 لک 70 هزار عملي جي حفاظت ضروري آهي ۽ اهڙو فيصلو عالمي پارٽنرز سان مشوارت بعد اتفاق راءِ سان ڪيو ويو آهي. 22 اپريل کان شروع ڪيل مهم دوران پشاور واقعي سبب بند ڪئي وئي آهي، جنهن دوران مشتعل هجوم سرڪاري اسپتال تباه ڪري ڇڏي هئي. هن مهم دوران ملڪ جي چار ڪروڙ ٻارن کي ڦڙا پيارڻا هئا پر والدين جي انڪار ۽ ٻين سببن جي ڪري لکين ٻار رهجي ويا آهن. پنجاب ۾ 7 لک ٻار ڦڙن پيارڻ کان رهجي ويا. ياد رهي ته پشاور جي هڪ اسڪول ۾ ٻارن کي ڦڙا پيارڻ دوران ڪجهه ٻارن جي طبيعت خراب ٿيڻ جو خبرون آيون پر پوليو مخالف مذهبي ڌرين ۽ ٻين سوين ٻارن جي فوت ٿيڻ جون ڪوڙيون خبرون ڦهلائي پروگرام کي بدنام ڪرڻ جي ڪوشش ڪئي. بعد ۾ ڪٿان به ڪنهن ٻار جي فوتگي جو ڪو اطلاع نه مليو ۽ پشاورليڊي ريڊنگ ڊاڪٽرز اهو چيو ته ڦڙا پيتل ٻار جيڪي اسپتال آندا ويا انهن تي نفسياتي اثر هو بيمار نه هئا. ان جي باوجود به ايف آءِ اي يا پيمرا سميت ڪنهن به حڪومتي اداري انساني زندگين سان کلواڙ ڪندڙن خلاف ڪا به ڪاروائي نه ڪئي باقي صحافين خلاف رڳو جائز تنقيد تي به ڪاروائي ۾ دير ئي نٿا ڪن.

حملن سبب سڄي ملڪ ۾ پوليو مهم اڻ ڄاتل مدي تائين ختم” هڪ تبصرو

  1. پوليو ويڪسين بلڪل خراب آھي منھنجي ننڍڙي پٽ کي بہ ريڪشن ٿيو آھي

پهنجو تبصرو موڪليو