جان جمالي بنا مقابلي بلوچستان اسمبلي جو اسپيڪر چونڊجي ويو

ڪوئيٽا(ويب ڊيسڪ) مير جان محمد جمالي بنا مقابلي بلوچستان اسيمبلي جو اسپيڪر چونڊجي ويو. بلوچستان عوامي پارٽي بلوچستان اسيمبلي جي اسپيڪر جي خالي ٿيل سيٽ لاءِ سينيئر اڳواڻ ۽ صوبائي اسيمبلي جي ميمبر مير جان محمد جمالي کي نامزد ڪيو هو. سيڪريٽري اسيمبلي چيو ته اسپيڪر طور مير جان محمد جمالي جي ڪاميابي جو اعلان اڄ 3 وڳي ڪيو ويندو. مير جان محمد جمالي جو شمار صوبي جي سينيئر سياستدانن ۾ ٿئي ٿو .هو 1998ع ۾ بلوچستان جو وڏو وزير ۽ 2006ع ۾ سينيٽ جو ڊپٽي چيئرمين رهيو .مير جان محمد جمالي 2013ع ۾ به بلوچستان اسيمبليءَ جو اسپيڪر رهيو. عبدالقدوس بزنجو جي استعيفيٰ کانپوءِ اسپيڪر بلوچستان جي سيٽ خالي ٿي هئي، عبدالقدوس بزنجو گذريل ڏينهن بلوچستان جي وڏي وزير طور حلف کڻي ورتو هو.

پهنجو تبصرو موڪليو