بدين واسين جو ميونسپل ڪميٽي ۽ پبلڪ هيلٿ خلاف احتجاج

بدين (ن سنڌ يار) بدين شهر جي چانڊيا ننگر پاڙي جي رهواسين اشرف سمون، ستار جمالي، عارب خاصخيلي ۽ رب ڏنو سمون جي اڳواڻي ۾ پبلڪ هيلٿ انجنيئرنگ کاتي ۽ ميونسپل ڪميٽي جي آفيس اڳيان مظاهرو ڪيو. جنهن دوران هنن دانهيندي چيو ته اسان جي پاڙي جو مين گٽر نالي جي صفائي نه ٿيڻ سبب ابتو وهي رهيو آهي، جنهن سبب گٽرن جو گندو پاڻي گهٽين ۽ گهرن ۾ ڪاهي پيو آهي.هنن وڌيڪ چيو ته پبلڪ هيلٿ کاتي طرفان واٽر سپلاءِ جي وڇايل مين لائن اسان جي پاڙي ۾ ڦاٽي پئي آهي، جنهن جي مرمت لاءِ آفيس جا چڪر ڪاٽي ٿڪجي پيا آهيون پر ان جي مرمت نه ٿي ڪئي وڃي، جنهن ڪري پاڙي جون گهٽيون به برباد ٿي ويون آهن.هنن چيو ته چونڊيل نمائندن توڙي شهر جي انتظاميا اسان جي پاڙي کي هر لحاظ کان مڪمل وساري ڇڏيو آهي، اسان شهر ۾ رهندي به ٻهراڙي وارن علائقن کان بدترين زندگي گذارڻ تي مجبور آهيون پر هاڻي اسان پنهنجا حق وڙهي وٺنداسين، پاڙي وارن جي سخت احتجاج بعد ميونسپل ڪميٽي وارن ساڻن ڳالهيون ڪري مسئلن جي حل جي يقين ڏيارڻ تي احتجاج ختم ڪرايو.

کیٹاگری میں : سنڌ

پهنجو تبصرو موڪليو