بحريه ڀڃ ڊاهه ڪيس، عبوري چالان پيش، اڳواڻ ملوث قرار

ڪراچي (اسٽاف رپورٽر) ملير پوليس بحريه ڀڃ ڊاهه ڪيس جو عبوري چالان دهشتگردي ٽوڙ عدالت ۾ پيش ڪري ڇڏيو، سنڌ ايڪشن ڪميٽي جي قيادت سوڌو 500 ڪارڪن هنگامن، ملڪيتون ساڙڻ ۽ ڀڃ ڊاهه ۾ ملوث قرار ڏنا ويا آھن، پوليس چالان موجب جسقم چيئرمين صنعان قريشي ڪارڪنن کي هنگامن لاءِ ڀڙڪائڻ ۾ ملوث آهي، چالان ۾ ڊاڪٽر قادر مگسي، جلال محمود شاهه ۽ خالق جوڻيجو سوڌو سوين قومپرست ڪارڪن روپوش قرار ڏنا ويا آھن. ٻئي پاسي پوليس صنعان قريشي سميت گرفتار 165 ڪارڪنن کي دهشتگردي ٽوڙ عدالت ۾ پيش نه ڪيو، قومپرست ڪارڪنن جا وڪيل ۽ وارث عدالت ۾ انتظار ڪرڻ بعد واپس هليا ويا. هنن چيو ته سنڌ حڪومت هن ڪيس ۾ ڌر بڻيل آهي ۽ سندن ڏاڍ وارا سمورا حربا ناڪام بڻائينداسين.

پهنجو تبصرو موڪليو